41 նահանգ դատի է տվել Մետային՝ պնդելով, որ Instagram-ը և Facebook-ը կախվածություն են առաջացնում և վնաս են հասցնում երեխաների առողջությանը, գրում է Washington Post-ը:
Նշվում է, որ ընկերությունը ներգրավվել է երիտասարդ օգտատերերին շահույթ ստանալու նպատակով և կախվածություն է առաջացնում՝ մոլորեցնելով նրանց և տարածելով վնասակար բովանդակություն: Հայցում ասվում է, որ Մետան, հավաքելով երեխաների տվյալները՝ խախտում է Երեխաների առցանց գաղտնիության պաշտպանության մասին օրենքով նախատեսված իր պարտավորությունները:
Պաշտոնյաները պնդել են, որ ընկերությունը գիտակցաբար հատուկ փոփոխություններ է կատարել երեխաներին սոցկայքերում պահելու համար՝ այդպիսով խախտելով սպառողների պաշտպանության մասին օրենքները:
Նահանգները ընդունել են օրենքներ, որոնք արգելում են 13 տարեկանից ցածր անձանց մուտք գործել սոցիալական մեդիա և պահանջում են, որ 18 տարեկանից փոքր դեռահասները ստանան ծնողների համաձայնությունը սոցկայքեր մուտք գործելու համար: Ծնողները նույնպես հայցեր են ներկայացրել դատարաններ, որոնք մեղադրում են Meta-ին, TikTok-ին և այլ հարթակներին՝ երիտասարդների հոգեկան առողջության վատթարացման, անհանգստություն, վախ և դեպրեսիա առաջացնելու համար:
Նշվում է, որ Նյու Յորք նահանգը 2019-ին 170 միլիոն դոլար է ձեռք բերել Google-ին պատկանող YouTube-ից, որին մեղադրում էր 13 տարեկանից փոքր օգտատերերի տվյալներ անօրինական կերպով հավաքելու մեջ:
Բաժանորդագրվեք մեր ալիքին Telegram-ում
