ՎԿ-ն հրապարակել է 2023թ-ի աշնան առաջին ամսում արձանագրված գնաճին վերաբերող վիճակագրությունը: Իրավիճակը սեպտեմբերին հասկանալու համար դիտարկենք 2023թ-ի սեպտեմբերի գների մակարդակի փոփոխությունը 2022թ-ի նույն ամսվա և 2023թ-ի օգոստոսի համեմատ.
![](https://banksnews.am/wp-content/uploads/2024/05/converse-970x250-c360.webp)
Վիճակագրական տվյալների համաձայն՝ 2023թ-ի սեպտեմբերին 2022թ-ի նույն ամսվա համեմատ գնաճը կազմել է 0,1%, իսկ նախորդ ամսվա համեմատ՝ 0,9%։ Ընթերցողներին հիշեցնենք, որ սույն տարվա հունվար և փետրվար ամիսներին գնաճը կազմում էր 8.1%: Դիտարկենք գների մակարդակի փոփոխությունը 2023թ-ի սեպտեմբերին 2022թ-ի սեպտեմբերի և 2023թ-ի օգոստոսի համեմատ՝ ըստ տարբեր ապրանքախմբերի.
2023թ-ի սեպտեմբերին 2022թ-ի նույն ամսվա համեմատ գնանկում արձանագրվել է միայն երկու ոլորտում։
Գների անկմամբ առաջին հորիզոնականում է հայտնվել սննդամթերքի և ոչ ալկոհոլային խմիչքների ոլորտը՝ 3,1%-ով:
Երկրորդ հորիզոնականում է կապի ոլորտում արձանագրված անկումը, որը կազմել է 0,4%:
Կարտոֆիլը անցած տարվա համեմատ էժանացել է, ծիրանը՝ թանկացել․ Գնային ինչ փոփոխություններ են եղել մրգի ու բանջարեղենի շուկայում
Մյուս կողմից 2023թ-ի սեպտեմբերին 2022թ-ի նույն ամսվա համեմատ գների ամենամեծ աճը դիտվել է ալկոհոլային խմիչքներ, ծխախոտային արտադրատեսակներ ոլորտում՝ 8.3%:
Երկրորդ հորիզոնականում է հայտնվել ռեստորաններ և հյուրանոցներ ոլորտը, որտեղ գները աճել են 5.3%-ով:
Երրորդ տեղում է կրթության ոլորտը, որտեղ գնաճը կազմում է 4,8%։
2023թ-ի սեպտեմբերին նախորդ ամսվա համեմատ գների անկումներ արձանագրվել է առողջապահության՝ 0,1%-ով, տարբեր ապրանքներ և ծառայություններ՝ 0,3%-ով, ոլորտների մասով:
Գների ամենամեծ աճը նկատվել է կրթության ոլորտում՝ 4,8%-ով։ Գների փոփոխություն չի դիտվել կապի ոլորտում:
Բաժանորդագրվեք մեր ալիքին Telegram-ում