Տեխնոլոգիաների ներկայիս զարգացման փուլում շատ ընկերություններ ստեղծում են հավելվածներ, որոնք կիրառվում են մարդկանց գործունեության տարբեր ոլորտներում: Այս հավելվածների շրջանառությունը հսկայական գումարներ է բերում իրենց հեղինակներին: Աշխարհի բնակչության զգալի մասն իր հեռախոսներում ունի ոչ թե մեկ, այլ միանգամից մի քանի հավելվածներ:
Ինչո՞վ փոխարինել Յունիստրիմ համակարգը
![](https://banksnews.am/wp-content/uploads/2024/05/converse-970x250-c360.webp)
Մարդու անհագ հետաքրքրասիրությունն օգտագործելով՝ հավելվածներ ստեղծողները փորձում են անընդհատ կատարելագործել հին տարբերակները և ստեղծել նորերը: Հավելվածների նկատմամբ հետաքրքրվածությունը երևում է օգտատերերի թվից: Այս առումով կարևոր նշանակություն ունի հասկանալ՝ ստեծման պահից սկսած որքան ժամանակ է պահանջվել 100 մլն օգտատերի շեմը անցնելու համար: Այս առումով առկա է բավականին հետաքրքիր վիճակագրություն.
- Threads-ը Մարկ Ցուկերբերգի ստեղծած հավելվածն է, որը պետք է մրցի Իլոն Մասկի Twitter-ի կամ X-ի հետ: Պատկերացնում եք՝ 2023թ-ին ստեղծված Threads-ից պահանջվեց ընդամենը 5 օր օգտատերերի թիվը 100 մլն-ի հասցնելու համար:
- ChatGPT-Սա ուղղակի ցնցում առաջացրեց հանրության շրջանում: Արհեստական բանականությամբ օժտված հավելվածն օգնության եկավ մարդկությանը: Այն ստեղծվել է 2022թ.-ին, պահանջվել է ընդամենը 2 ամիս օգտատերերի թվաքանակը 100 մլն-ի հասցնելու համար:
- TikTok- Հակասական վերաբերմունքի ու քննարկումների առիթ դարձած հայտնի հավելվածը 3-րդ տեղում է: Վերջինս ստեղծվել է 2017թ-ին և ընդամենը 9 ամսում հետևորդների թիվը հասել է 100 մլն-ի։
- Հայտնի հավելվածներից WeChat-ին և Instagram-ին պահանջվել է համապատասխանաբար 1 տարի 2 ամիս և 2 տարի 6 ամիս օգտատերերի թիվը 100 մլն-ի հասցնելու համար։