Ինչ է կատարվում բենզինի շուկայում

1 Min Read

 Վարորդների նյարդային համակարգի վրա ազդող գործոններին քաջածանոթ ենք բոլորս:

Դրանցից մեկը բենզինի գնի բարձրացումն է։ Այս պահի դրությամբ պրեմիում տեսակի բենզինի արժեքը կազմում է 520 դրամ: Սա այն պարագայում, երբ ամիսներ առաջ գների անկում էր նկատվում:


ՄՊՀ-ն ուսումնասիրում է բենզինի շուկան. գնի չհիմնավորման բարձրացումներ հայտնաբերելու դեպքում կհարուցվեն վարույթներ


Իրավիճակի շուրջ ուսումնասիրություններ է անցկացնում  տնտեսական մրցակցության հարցերով զբաղվող մարմինը։ Բենզինի գների աճը կարող է բարձրացնել նաև մյուս ապրանքների գները՝ նպաստելով գնաճի նոր ալիքի ձևավորմանը:

Բացի այդ՝ այս իրավիճակն էապես հարված է հասցնում վարորդներին՝ ստիպելով վճարել ավելի մեծ գումարներ: 

Այս առումով ուսումնասիրենք 2023թ-ի հունվար-հուլիս ամիսներին բենզինի գների փոփոխության դինամիկան նախորդ տարվա նույն ամիսների և նախորդ ամսվա համեմատ․

2023թ-ի հունվար-հուլիս ամիսներին նախորդ տարվա նույն ամիսների համեմատ ակնհայտորեն նկատվում է բենզինի գների անկում: Այսպես, 2023թ-ի հուլիսին 2022թ-ի հուլիսի համեմատ բենզինի գների անկումը կազմել է 14.8%: Սակայն, մյուս կողմից 2023թ-ի հուլիսին հունիսի համեմատ արդեն նկատվում է բենզինի գների 11.1% աճ:

Հետաքրքիրն այն է, որ ներկայիս գների աճի փուլը տեղի է ունենում այն պայմաններում, երբ աշխարհում վառելիքաէներգետիկ ոլորտում կտրուկ փոփոխություններ դեռևս չեն նկատվել: Ավելին, Հայաստան մտավ Shell-ը, որը ն՛շանակում է բենզինի շուկայում մրցակցության մակարդակի բարձրացում:


Shell-ը և բենզինի գները Հայաստանում

TAGGED:
Share This Article