2023թ-ի օգոստոսի 15-ին վիետնամական VinFast ընկերությունը, որը զբաղվում է էլեկտրոմոբիլների արտադրությամբ, մեծ հաջողություններ է արձանագրել Nasdaq բորսայում։
Ինչու են տեխնոլոգիական ստարտափները լքում Իսրայելը. Reuters
Նախ ընկերության արժեթղթերի նախնական գինը սահմանվել է ＄22, չնայած այն հանգամանքին, որ ընկերության գործընկեր «Black Spade Acquisition» (SPAC)-ն այն գնահատել էր ＄10, իսկ ընկերության ընդհանուր արժեքը սահմանել էր ＄23 մլրդ։
Այնուհետև «Nasdaq» բորսայում գործարքների փակման ժամանակ ընկերության արժեթղթերի գինը հասել է ＄37 մակարդակին, ինչի արդյունքում ընկերության գինը ներկայումս գնահատվում է ＄85 մլրդ` ավելին քան Ford-ը և General Motors-ը։
Այս իրադարձության շնորհիվ վիետնամական ընկերությունն իր շուկայական կապիտալիզացիայի մակարդակով զբաղեցրեց երկրորդ հորիզոնականը ԱՄՆ-ի ֆոնդային բորսայում։
VinFast-ի հաջողությունները ոչ միայն մեծ հնարավորություններ են բացում նրա զարգացման ճանապարհին, այլ նաև հնարավորություններ են ստեղծվում համաշխարհային տնտեսությունում վիետնամական այլ բրենդների դերակատարման մեծացման համար։
Ընկերության ղեկավար Տուի Լեի կարծիքով` «VinFast»-ն արագացրեց էլեկտոմոբիլային համաշխարհային հեղափոխությունը՝ խելացի, անվտանգ և էկոլոգիապես մաքուր էլեկտրոմոբիլները դարձնելով հասանելի բոլորի համար։
Մեր ընթերցողներին տեղեկացնենք, որ 2023թ-ի հուլիսի դրությամբ «VinFast»-ը մատակարարել է մոտ 19,000 էլեկտրոմոբիլ։
Ընկերությունն անընդհատ փորձում է սպառողներին ներակայացնել ավտոմեքենաների նոր մոդելներ` մեծ հաջողություններ արձանագրելով ինչպես երկրի ներսում, այնպես էլ դրանից դուրս։
Հնդկաստանն ընդլայնում է էլեկտրական մոտոռոլլերի արտադրությունն ու վաճառքի ծավալները. Reuters
Բաժանորդագրվեք մեր ալիքին Telegram-ում
