Hugo Boss-ը ցանկանում է վաճառել ակտիվները Ռուսաստանում

Նորաձև հագուստ արտադրող գերմանական Hugo Boss ընկերությունը մտադիր է վաճառել իր ակտիվները Ռուսաստանում: Հնարավոր է՝ զբաղվի մեծածախ բիզնեսով, նշված է ընկերության հաշվետվության մեջ, որը մեջբերում է ՌԻԱ Նովոստին:

«2023 թվականի առաջին կեսին Hugo Boss-ը վերանայել է իր բիզնես մոդելը Ռուսաստանում, այդ թվում ՝ դիտարկել այն մեծածախ բիզնեսի վերածելու հնարավորությունը։ Համապատասխանաբար, ընկերությունը դասակարգել է բոլոր համապատասխան ակտիվներն ու պարտավորությունները որպես վաճառքի համար նախատեսված», — ասվում է փաստաթղթում։

Նշվում է, որ ներկայումս բանակցություններ են ընթանում վաճառքի և ենթադրվող ժամկետների վերաբերյալ:

Չնայած մանրածախ վաճառողը հայտարարել է Ռուսաստանում իր գործունեության դադարեցման մասին՝ նրա խանութների մի մասը շարունակում էր աշխատել, նշել է Առևտրի կենտրոնների միության փոխնախագահ Պավել Լյուլինը:

«Hugo Boss-ի սեփական խանութներն այնքան էլ շատ չեն մնացել, իսկ հաշվի առնելով այն, որ դժվար թե ապրանքային նշանը մնա, դրանք լավ գումարով վաճառելը դժվար կլինի», — ասել է փորձագետը գործակալությանը:

Նրա խոսքով ՝ գնորդների թվում կարելի է առանձնացնել նրանց, ում հետ Hugo Boss-ն արդեն համագործակցել է ապրանքների բաշխման հարցում։ Միևնույն ժամանակ, Լյուլինը կարծում է, որ վաճառված հարթակների հիման վրա գրագտ ռեբրենդինգի շնորհիվ հնարավոր կլինի բացել բազմաբրենդային խանութներ ՝ ընկերության նույն ապրանքները վաճառելու համար: