Առանձնացրեք ձեզ համար լավագույն խորհուրդները.
Հաջողակ մտքեր՝ Սթիվեն Քովիի կողմից
- Այսօր ես այսպիսին եմ ինչպիսին կամ` իմ երեկվա արած ընտրության շնորհիվ։
- Հաջողակ մարդիկ սովորություն ունեն անել այն, ինչը անհաջողակներն անել չեն սիրում։ Բոլորովին պարտադիր չէ, որ հաջողակ մարդկանց դուր գա այդ բանն անելը, սակայն նրանք իրենց զգացմունքները ենթարկում են իրենց խնդիրներին։
- Արդյունավետ մարդը մտածում է ոչ թե խնդիրներով, այլ հնարավորություններով։
- Իմանալ և չանելը` նույնն է, ինչ չիմանալը։ Կարողանալ և չանելը` նույնն է, ինչ չկարողանալը։
- Կցանես միտք, կհնձես արարք, կցանես արարք, կհնձես սովորույթ, կցանես սովորույթ, կհնձես բնավորություն, կցանես բնավորություն, կհնձես ճակատագիրդ։
- Նա, ով լավ տիրապետում է մուրճին, հակված է կարծելու, որ իր շուրջը բոլորը մեխեր են։
- Չկա ավելի լավ ներդրում, քան ներդրումը քո ուժերի ու զարգացման մեջ։
- Մի մարդ անտառում տեսավ փայտահատի, ով մեծ դժվարությամբ ծառ էր կտրում՝ բոլորովին բութ սղոցով։ Նա հարցրեց փայտահատին.
- Այդ ի՞նչ եք անում։
- Ծառ եմ կտրում, արդեն հինգ ժամ։
- Իսկ ինչո՞ւ կանգ չեք առնում և չեք սրում սղոցը։
- Ինչ է, կու՞յր եք, չեք տեսնում որ ժամանակ չունեմ։ Ես պետք է սղոցեմ։
Մեջբերումներ Սպենսեր Ջոնսոնի «Ուր է իմ պանիրը» գրքից
Գրքի կարճ նկարագրություն
«Ամենաարդյունավետ մարդկանց 7 սովորույթները» գրքում հեղինակ Սթիվեն Քովին ներկայացնում է ամբողջական, սկզբունքների վրա հիմնված մոտեցում անձնական և մասնագիտական խնդիրների լուծման համար: Քովին խորաթափանց դիտարկումներով և սուր պատմություններով քայլ առ քայլ բացահայտում է արդարությամբ, ազնվությամբ և մարդկային արժանապատվությամբ ապրելու ճանապարհը՝ սկզբունքներ, որոնք մեզ տալիս են փոփոխություններին հարմարվելու ապահովություն, ինչպես նաև իմաստություն և ուժ՝ օգտվելու այն հնարավորություններից, որ փոփոխությունն է ստեղծում:
«Ամենաարդյունավետ մարդկանց 7 սովորույթները» գիրքը 1990 թվականից շարունակում է մնալ մեր ժամանակի ամենակարևոր բիզնես գրքերից ՝ ավելի քան 30 միլիոն վաճառված օրինակով: Գիրքը թռուցիկ կերպով կարդալու համար չէ. այն պետք է կարդալ ուսումնասիրելով և նշումներ անելով: Ընթերցանությունն ավարտելուց հետո կզգաք, որ մի հզոր սեմինար եք անցել Քովիի հետ:
Օգտակար մեջբերումներ «Ատոմային սովորություններ» գրքից
Երբ Սթիվեն Քովիին հարցրին, թե ինչպե՞ս հղացավ «7 սովորույթները»-ում տեղ գտած գաղափարները, նա պատասխանեց.
– Ես չեմ հղացել դրանք:
– Ինչպե՞ս թե, բայց Դո՛ւք եք գրել գիրքը:
– Այո, ես եմ գրել, սակայն սկզբունքները ինձնից դեռ շատ առաջ էին հայտնի: Դրանք ավելի շատ բնական օրենքներ են, և ես միայն համախմբել, համադրել եմ դրանք մարդկանց համար:
Ահա թե ինչու այս գործն այդպիսի ազդեցություն ունի: Քովին ավելի քան երեք տասնամյակ անցկացրել է ուսումնասիրելով, կիրառելով, սովորեցնելով և հղկելով այն, ինչն ի վերջո դուրս քամեց այս գրքի էջերի մեջ: Նա ստեղծում էր «7 սովորույթները»-ը ոչ թե որպես անձնական հաջողության հասնելու միջոց, այլ այդ սկզբունքները հասանելի դարձնելու, հանրությանը ծառայություն մատուցելու համար: – Ջիմ Քոլինզ
Գիրքը կարող եք պատվիրել՝
Կայքի հղում՝ https://editprint.am/index.php?route=product/product&product_id=811
Հեռախոսահամար՝ (+374) 77 173799
Բաժանորդագրվեք մեր ալիքին Telegram-ում
