2023 թվականի հունվարին նավթի և գազի վաճառքից Ռուսաստանի եկամուտները նվազել են 38 %-ով։ Այս մասին հայտնում է Reuters-ը՝ հղում անելով Միջազգային էներգետիկ գործակալության զեկույցին։
Հրատարակությունը նշել է, որ ռուսական նավթի դեմ պատժամիջոցների ուժի մեջ մտնելու և գազի փոխարժեքի նվազման ֆոնին Ռուսաստանի՝ նավթից և գազից ստացած եկամուտները նվազել են 38 %-ով՝ հասնելով 18,5 մլրդ դոլարի։
Միջազգային էներգետիկ գործակալության գործադիր տնօրեն Ֆաթիհ Բիրոլի խոսքով՝ 2022 թվականի հունվարին նավթի և գազի վաճառքից Ռուսաստանի եկամուտները կազմել էին 30 միլիարդ դոլար։ Այսինքն՝ կարելի էր որոշակի հաջողություն արձանագրել պատժամիջոցների կիրառումից։
Ըստ Բիրոլի՝ առաջիկա ամիսներին Ռուսաստանի եկամուտներն էլ ավելի կնվազեն, քանի որ դրա վրա կազդեն տեխնոլոգիաների և ներդրումների հասանելիության բացակայությունը։
Բելգիան սառեցրել է ռուսական ակտիվները
Փետրվարի 19-ին Express-ը գրել էր, որ Ռուսաստանը կարողացել է միլիարդավոր դոլարներ վաստակել նավթի վաճառքից՝ չնայած Եվրամիության (ԵՄ) կողմից իր դեմ տարբեր պատժամիջոցների սահմանմանը։ Շուկայի փորձագետները նշել էին, որ ռուսական կողմը, պատժամիջոցների ֆոնին, կարողացել է պահպանել նավթահանքերի սպասարկման ոլորտում ակտիվների և տեխնոլոգիաների մեծ մասը։
Բաժանորդագրվեք մեր ալիքին Telegram-ում
