Թուրքիայի ազգային պաշտպանության նախարարությունը հայտարարել է, որ Իրանի հետ սահմանի երկայնքով ձեռնարկվել են բոլոր անհրաժեշտ անվտանգության միջոցառումները՝ չնայած զանգվածային միգրացիայի նշանների բացակայությանը։ Այս մասին հայտարարել է Թուրքիայի պաշտպանության նախարարության խոսնակը։
Նրա խոսքով՝ թուրք-իրանական սահմանի երկայնքով ավարտվել է 203 էլեկտրաօպտիկական դիտաշտարակների, 43 բարձրացման համակարգերով աշտարակների, 380 կիլոմետր մոդուլային բետոնե պատի և 553 կիլոմետր հակատանկային խրամատների կառուցումը։
Ակտյուրքը նաև նշել է, որ սահմանի երկայնքով անօդաչու թռչող սարքերի միջոցով հետախուզական և հսկողության թռիչքներ են իրականացվում շուրջօրյա։
Նա ընդգծել է, որ այս պահին Իրանից դեպի թուրքական սահման մարդկանց զանգվածային միգրացիա չի հայտնաբերվել, սակայն լրացուցիչ անվտանգության միջոցառումներ են իրականացվում։
Մեկնաբանելով Սիրիայում ստեղծված իրավիճակը՝ Թուրքիայի պաշտպանության նախարարության խոսնակը հայտարարել է, որ Հալեպում հակաահաբեկչական գործողությունները հաջողությամբ են ընթանում։
Նա նաև նշել է, որ Անկարան պատրաստ է ռազմական աջակցություն ցուցաբերել Դամասկոսին ահաբեկչության դեմ պայքարում, եթե Սիրիայի կառավարությունը պաշտոնապես խնդրի դա։
Բաժանորդագրվեք մեր ալիքին Telegram-ում
