ՀՀ վիճակագրական տվյալների համաձայն՝ 2025թ․ նոյեմբերին հանրապետությունում միջին ամսական անվանական աշխատավարձը կազմել է ֏ 308,835։ Միևնույն ժամանակ նոյեմբերին 12-ամսյա գնաճը հաստատվել է 3․1 % մակարդակում։
2025թ․ նոյեմբերին 2024թ․ նոյեմբերի համեմատ աշխատավարձերի աճը կազմել է 6․1%, իսկ նախորդ ամսվա համեմատ՝ 5․1%։
2025թ․ նոյեմբերին 2018թ․ նոյեմբերի համեմատ անվանական աշխատավարձերն աճել են մոտ 2 անգամ։
Նկատի ունենանք, որ 2018թ․ նոյեմբերին 12-ամսյա գնաճը կազմել է ընդամենը 1․8%։
Հիմք ընդունելով վերոնշյալը` ուսումնասիրենք ամենաբարձր և ամենացածր աշխատավարձեր արձանագրած թոփ ոլորտները․
Վիճակագրական տվյալները փաստում են, որ ամենաբարձր միջին ամսական անվանական աշխատավարձը 2025թ․ նոյեմբերին ֆինանսական և ապահովագրական գործունեություն ոլորտում է արձանագրվել՝ ֏1․3 մլն։
Երկրորդ տեղում է տեղեկատվություն և կապ ոլորտը, որտեղ միջին ամսական անվանական աշխատավարձերը կազմել են ֏ 820,781։
Երրորդ ամենաբարձր աշխատավարձով ոլորտն է հանքագործական արդյունաբերություն և բացահանքերի շահագործումը, որտեղ միջին ամսական անվանական աշխատավարձը 2025թ․ նոյեմբերին կազմել է ֏ 540,865։
Որքա՞ն կկազմի Վրաստանի պետական պարտքը 2026 թվականին
Ամենացածր աշխատավարձերի ցանկում առաջին հորիզոնականում է հայտնվել սպասարկման այլ ծառայություններ ոլորտը` ֏149,775 միջին ամսական անվանական աշխատավարձով։
Երկրորդ տեղում կացության և հանրային սննդի կազմակերպման ոլորտն է, որտեղ 2025թ․ նոյեմբերին միջին ամսական անվանական աշխատավարձը կազմել է ֏151,748։
Ամենացածր աշխատավարձերով երրորդ տեղում է կրթության ոլորտը, որտեղ անվանական աշխատավարձը հաստատվել է ֏ 168,899 մակարդակում։
Բաժանորդագրվեք մեր ալիքին Telegram-ում
