Հայաստանում գները կտրուկ աճում են․ տվյալները՝ վիճակագրական կոմիտեի

Անցած տարվա ընթացքում Հայաստանում սննդամթերքի գները աճել են 4.6%-ով, իսկ ծառայությունների սակագները՝ 3.1%-ով։

Ըստ Հայաստանի վիճակագրական կոմիտեի տվյալների՝ պատկերը հետևյալն է․

Միայն դեկտեմբերին բանջարեղենի գները աճել են 12.5%-ով։

Սննդամթերքի շարքում 2025 թվականին թանկացել են հետևյալ ապրանքները՝ կակաոն՝ 31.9%-ով, իշխանը՝ 18.3%-ով, գառան միսը՝ 14.1%-ով, խոզի միսը՝ 12.7%-ով, տավարի միսը՝ 11.7%-ով, սուրճը՝ 9.5%-ով, հնդկացորենը՝ 9.4%-ով, արևածաղկի ձեթը՝ 8.2%-ով, մակարոնեղենը՝ 7.9%-ով, մարգարինը` 7.4%-ով, կարագը՝ 7.2%-ով, ձուն՝ 7.2%-ով, կաթը՝ 4.7%-ով, պանիրը՝ 4.6%-ով, թռչնամիսը՝ 4.3%-ով, հացը՝ 3.6%-ով, շաքարավազը և հատիկավոր շաքարավազը՝ 1.1%-ով։

Ծխախոտի գների աճը 2024 թվականի 1.1%-ից 2025 թվականին հասել է  8.7% ։

Ալկոհոլային խմիչքների շարքում 2025 թվականին ամենամեծ գնաճը գրանցել է օղին՝ 7%-ով։

Ոչ պարենային ապրանքների շուկայում ոսկերչական իրերի գները 2025 թվականին աճել են՝ 14.8%-ից հասնելով 39.2%-ի։ Ծառայությունների ոլորտում տրանսպորտային ծառայությունների գները գրանցել են ամենամեծ աճը՝ 24.5%։