Չինաստանը քննադատում է Ամերիկային․ պատճառը Իրանն է

Չինաստանը քննադատել է ԱՄՆ-ի որոշումը՝ Իրանի հետ գործարք կնքող երկրների համար 25% մաքսատուրք սահմանելու մասին, հաղորդում է Anadolu լրատվական գործակալությունը։

Վաշինգտոնում Չինաստանի դեսպանատան խոսնակ Լյու Պենգյուն հայտարարել է, որ Պեկինը դեմ է ցանկացած անօրինական միակողմանի պատժամիջոցների և կձեռնարկի անհրաժեշտ միջոցներ՝ իր օրինական իրավունքներն ու շահերը պաշտպանելու համար։

ԱՄՆ նախագահ Դոնալդ Թրամփը նախկինում հայտարարել էր Իրանի հետ առևտուր անող երկրների համար 25% մաքսատուրք սահմանելու մասին։

TruthSocial ամերիկյան սոցիալական ցանցում գրառման մեջ Թրամփը ընդգծել է, որ այս որոշումը «վերջնական և անդառնալի է» և ուժի մեջ է մտնում անմիջապես։

Կանխատեսվում է, որ այս միջոցառումը բացասաբար կանդրադառնա Չինաստանի վրա, որը զգալի առևտուր է իրականացնում Իրանի հետ։

Չինաստանը Իրանի ամենամեծ առևտրային գործընկերն է, որը կազմում է երկրի հետ նրա արտաքին առևտրի 30%-ը և նավթի արտահանման 90%-ը։