Վրաստանով ադրբեջանական նավթամթերքի Հայաստան արտահանման ընթացքում Բաքուն բախվել է մի իրավիճակի, երբ ակնհայտ էր, որ Թբիլիսիի կողմից առաջարկված սկզբնական սակագինը անհեթեթ է։ Այս մասին հայտարարել է Ադրբեջանի արտաքին գործերի նախարար Ջեյհուն Բայրամովը՝ պատասխանելով լրագրողների հարցերին 2025 թվականի գործունեության հաշվետվության ժամանակ։
Արտգործնախարարը նշել է, որ վրացական ընկերության կողմից սահմանված բարձր սակագնի պատճառով Վրաստանի կառավարությունը անհապաղ միջամտել է, ինչի արդյունքում խնդիրն արագ լուծվել է։ Ջեյհուն Բայրամովը նաև շնորհակալություն է հայտնել վրացական կողմին։
Նախորդ օրը ՀՀ էկոնոմիկայի նախարար Գևորգ Պապոյանը «Ազատություն» ռադիոկայանի հայկական ծառայությանը տված հարցազրույցում հայտարարել էր, որ Ադրբեջանից Հայաստան վրացական երկաթուղիներով բեռների տարանցման սկզբնական գինը համարվում է համեմատաբար բարձր և անմրցունակ։
Նախարարը նշել է, որ իր կարծիքով, հիմա շատ հարմար ժամանակ է Հայաստանի և Ադրբեջանի միջև ցամաքային սահմանը բացելու համար, որպեսզի երկաթուղով հայկական սահման հասնող բեռները կարողանան վերաբեռնվել բեռնատարների վրա և առաքվել Հայաստանի և Ադրբեջանի միջև ցամաքային սահմանով։
Բաժանորդագրվեք մեր ալիքին Telegram-ում
