Trust Wallet-ի օգտատերերը հաքերային հարձակման հետևանքով կորցրել են 7 մլն դոլարի կրիպտոակտիվներ

Trust Wallet կրիպտոդրամապանակի թիմը հաստատել է անվտանգության միջադեպ, որը վերաբերում է միայն բրաուզերի ընդլայնման 2.68 տարբերակին։

Մշակողները շտապ թողարկել են 2.69 տարբերակը և խոստացել են փոխհատուցել տուժած օգտատերերի կորուստները։ Ընդհանուր վնասը գնահատվում է մոտ 7 մլն դոլար։

Նշվում է, որ բջջային հավելվածը և ընդլայնման այլ տարբերակները չեն տուժել։

Ինչ անել, եթե ունեք Trust Wallet 2.68 տարբերակը

1. Մի բացեք Trust Wallet-ի ընդլայնումը, եթե տեղադրված է 2.68 տարբերակը

2. Մտեք բրաուզերի ընդլայնումների կարգավորումներ և անջատեք Trust Wallet-ը

3. Միացրեք մշակողի ռեժիմը (ընդլայնումների էջի աջ վերևում)

4. Սեղմեք թարմացման կոճակը (ձախ վերևում)

5. Համոզվեք, որ տեղադրված է 2.69 տարբերակը, որը համարվում է անվտանգ

Հաքերային միջադեպի մասին պաշտոնական հայտարարությունից առաջ Trust Wallet-ի նեյթիվ թոքենը՝ TWT, մի քանի ժամում նվազել է մոտ 7%, սակայն նորության հրապարակումից հետո դրա գինը վերականգնվել է։