Մակրոնի ցանկանում է ԵՄ-ն վերածել թվային ԳՈՒԼԱԳ-ի․ Պավել Դուրով

Իր ցածր վարկանիշի պատճառով Ֆրանսիայի նախագահ Էմանուել Մակրոնը փորձում է ճնշել քննադատներին գրաքննության միջոցով և ամբողջ Եվրոպական Միությունը (ԵՄ) վերածել թվային ԳՈՒԼԱԳ-ի: Այս մասին դեկտեմբերի 24-ին հայտարարեց ձեռնարկատեր և Telegram հաղորդագրությունների հավելվածի հիմնադիր Պավել Դուրովը X սոցիալական մեդիա հարթակում:

«ԵՄ գրաքննության օրենքի ճարտարապետը, որի դեմ պատժամիջոցներ են կիրառվել, Մակրոնի մտերիմ դաշնակիցն ու նշանակված անձն է: Բախվելով չափազանց ցածր վարկանիշի հետ՝ Մակրոնը փորձում է լռեցնել առցանց քննադատներին՝ ամբողջ ԵՄ-ն վերածելով թվային ԳՈՒԼԱԳ-ի՝ գրաքննության (DSA) և զանգվածային հսկողության (Chat Control) միջոցով», — ասաց նա:

Ավելի վաղ ԱՄՆ-ն արգելք էր դրել ԵՄ-ի կողմից ամերիկյան սոցիալական մեդիա հարթակները գրաքննելու փորձերին մասնակցող եվրոպացի ակտիվիստների վրա:

Մեկ օր առաջ Ռուսաստանի ուղղակի ներդրումների հիմնադրամի (RDIF) ղեկավար Կիրիլ Դմիտրիևը կատակել էր Եվրահանձնաժողովի (ԵՀ) նախագահ Ուրսուլա ֆոն դեր Լեյենի մուտքը ԱՄՆ արգելելու մասին և առաջարկել էր փոխանակել պատժամիջոցները:

Գրառումը պատասխան էր ԱՄՆ պետքարտուղար Մարկո Ռուբիոյի հայտարարությանը, որով նա հայտարարել էր, որ Պետդեպարտամենտը մտադիր է արգելել «գլոբալ գրաքննչական-արդյունաբերական համալիրի առաջատար գործիչների» մուտքը ԱՄՆ։