TikTok-ն առաջարկել է Twitter-ի և Meta-ի նախկին աշխատակիցներին ընդունվել Սան Ֆրանցիսկոյի ծովածոցի իրենց գրասենյակ:
Ընկերությունը նախատեսում է գրեթե կրկնապատկել իր աշխատակազմն այնտեղ՝ հասցնելով 2000-ի: Որոշ վերլուծաբաններ համարում են, որ այս քայլը մասամբ անհրաժեշտություն է, քանի որ TikTok-ը խոստացել է ավելի շատ ինժեներներ վարձել Միացյալ Նահանգներից՝ տեղական իշխանությունների կողմից ստուգումների արդյունքում։
2020 թվականից ի վեր TikTok-ը երբեմն մեղադրվում է տեղի իշխանությունների կողմից՝ ԱՄՆ օգտատերերի տվյալները չինական իշխանություններին փոխանցելու մեջ:
Այս գրասենյակի TikTok անձնակազմը վերջին երկու տարվա ընթացքում աճել է մի քանի հարյուրից՝ հասնելով ավելի քան 1000-ի:
Սակայն աշխատանքի ընդունելու պլանները կարող են փոխվել բազմաթիվ տեխնոլոգիական ընկերությունների գովազդային եկամուտների նվազման ֆոնին, որն արդեն հարվածել է Twitter-ին և Snap-ին: TikTok-ը ևս վերջերս իջեցրեց 2022 թվականի գովազդային եկամուտների իր կանխատեսումը 12 միլիարդ դոլարից մինչև 10 միլիարդ դոլար:
Ընկերությունն ունի նաև խոշոր գրասենյակներ Լոս Անջելեսում և Նյու Յորքում, ինչպես նաև Լոնդոնում, Դուբլինում և Սինգապուրում: TikTok-ի մայր ընկերությունում` ByteDance-ում, աշխատում է մոտ 150,000 մարդ ամբողջ աշխարհում:
Բաժանորդագրվեք մեր ալիքին Telegram-ում
