Պլատինի գները կտրուկ բարձրացել են

Նյու Յորքի ապրանքային բորսայում (NYMEX) 2026 թվականի հունվարի մատակարարման պլատինի ֆյուչերսների գինը գերազանցել է 2000 դոլարը մեկ տրոյական ունցիայի համար՝ առաջին անգամ 2008 թվականի հուլիսի 15-ից ի վեր, ըստ առևտրային տվյալների։

Երևանի  ժամանակով ժամը 20:53-ի դրությամբ պլատինի ֆյուչերսների գինը բարձրացել է 3.01%-ով՝ հասնելով 2020 դոլարի մեկ տրոյական ունցիայի համար։

Տարվա սկզբից ի վեր թանկարժեք մետաղի գինը կրկնապատկվել է՝ աճելով 115.39%-ով, իսկ դեկտեմբերի սկզբից՝ 16.46%-ով։

Միևնույն ժամանակ, NYMEX-ում 2026 թվականի մարտի մատակարարման պալադիումի ֆյուչերսների գինը կազմել է 1789 դոլար մեկ տրոյական ունցիայի համար (աճը՝ 0.8%)։