ByteDance ընկերությունը պաշտոնապես հաստատել է, որ ստեղծվում է համատեղ ձեռնարկություն՝ TikTok USDS Joint Venture, որը կզբաղվի ԱՄՆ-ում TikTok-ի գործունեության կառավարմամբ։ Նոր կառույցում վերահսկիչ փաթեթը՝ 80,1% բաժնեմասով, կպատկանի ամերիկյան ներդրողներին՝ Oracle, Silver Lake և MGX ընկերություններին, մինչդեռ ByteDance-ը կպահպանի 19,9% մասնակցություն։
Ընկերության հայտարարության համաձայն՝ համատեղ ձեռնարկությունը գործելու է որպես անկախ կառույց և կենտրոնանալու է մի քանի առանցքային ուղղությունների վրա՝
-
ԱՄՆ օգտատերերի տվյալների պաշտպանություն
-
ալգորիթմների անվտանգություն և թափանցիկություն
-
բովանդակության մոդերացիայի ամրապնդում
Այս քայլը դիտարկվում է որպես ByteDance-ի փորձ՝ բավարարելու ԱՄՆ իշխանությունների պահանջները, որոնք երկար ժամանակ մտահոգություն են հայտնել TikTok-ի տվյալների անվտանգությամբ և հնարավոր ազդեցությամբ ազգային անվտանգության վրա։ Oracle-ի ներգրավվածությունը հատկապես կարևոր է, քանի որ այն արդեն համագործակցում է TikTok-ի հետ ԱՄՆ օգտատերերի տվյալների հոսթինգի և տեխնիկական վերահսկողության հարցում։
Նոր կառուցվածքը կարող է նվազեցնել TikTok-ի արգելման կամ սահմանափակման ռիսկերը ԱՄՆ-ում և ապահովել հարթակի շարունակական գործունեությունը երկրի շուկայում։
Բաժանորդագրվեք մեր ալիքին Telegram-ում
