Ռումինիայի իշխանությունները հայտարարել են Բուխարեստի մերձակայքում «Դրակուլա» անվանումով խոշոր ժամանցային զբոսայգու ստեղծման մասին։ Նախագծի ընդհանուր ներդրումը կկազմի մոտ 1 միլիարդ դոլար, իսկ այն կդառնա Եվրոպայի ամենախոշոր զբոսաշրջային կենտրոններից մեկը։
Ծրագրի տարածքը կզբաղեցնի շուրջ 160 հեկտար։ Այն կներառի՝
- «Դրակուլա» թեմատիկ այգի՝ մոտ 780 քմ տարածքով,
- երեք հյուրանոց՝ ընդհանուր առմամբ 1200 համարով,
- ջրաշխարհ (ակվապարկ),
- թերմալ սպա համալիր,
- ինչպես նաև մրցարշավային հարթակ։
Նախագծի բացումը նախատեսվում է 2027 թվականին։
«Դրակուլա» բրենդը հիմնված է Վլադ Ցեպեշի՝ պատմական կերպարի և նրա շուրջ ձևավորված լեգենդների վրա, որոնք Ռումինիային վաղուց ապահովել են միջազգային ճանաչում զբոսաշրջության ոլորտում։ Իշխանությունների ակնկալիքով՝ նոր զբոսայգին տարեկան կգրավի միլիոնավոր զբոսաշրջիկների, կստեղծի հազարավոր աշխատատեղեր և զգալիորեն կնպաստի երկրի տնտեսությանն ու զբոսաշրջային եկամուտների աճին։
Բաժանորդագրվեք մեր ալիքին Telegram-ում
