Ռուսաստանի Պետդուման առաջին ընթերցմամբ ընդունել է օրինագիծ, որը նախատեսում է արգելել բազմազավակ ընտանիքներից մեքենաների և հողամասերի առգրավումը պարտքերի պատճառով։ Այս մասին հայտնել է խորհրդարանի ստորին պալատի մամուլի ծառայությունը։
Նախաձեռնության համաձայն՝ առաջարկվում է ընդլայնել այն գույքի ցանկը, որի վրա չի կարող կիրառվել բռնագանձում կատարողական փաստաթղթերի շրջանակում։
Մասնավորապես՝ ցանկում կներառվեն ավտոմեքենաները, սակայն միայն այն դեպքում, եթե տվյալ մեքենան ընտանիքի միակ տրանսպորտային միջոցն է։ Բացի այդ, նախատեսվում է արգելել նաև այն հողամասերի առգրավումը, որոնք բազմազավակ ընտանիքներին տրամադրվել են որպես պետական աջակցության միջոց։
Օրինագիծը դեռևս ենթակա է հետագա քննարկման և վերջնական ընդունման։
Բաժանորդագրվեք մեր ալիքին Telegram-ում
