2025թ․ նոյեմբերին 2024թ․ նոյեմբերի համեմատ գնաճը հաստատվել է 3․1%, իսկ նախորդ ամսվա համեմատ՝ 0․6% մակարդակում։ Այս մասին են փաստում Ազգային վիճակագրական ծառայության տվյալները։
Ուսումնասիրենք իրավիճակը ՀՀ խոշոր քաղաքաներում․
2025թ․ նոյեմբերին նախորդ տարվա նույն ամսվա համեմատ գների զգալի աճ դիտվել է Վանաձորում՝ 4%, Իջևանում՝ 3․7%, և Գյումրիում՝ 3․5%։
Այս տարվա նոյեմբերին նախորդ ամսվա համեմատ զգալի գնաճ է դիտվել Եղեգնաձորում և Գյումրիում՝ 0․6%, և Իջևանում՝ 0․5%։
Ուսումնասիրենք գնաճը 2025թ․ նոյեմբերին նախորդ տարվա նույն ամսվա համեմատ ՀՀ գլխավոր քաղաքներում հետևյալ ոլորտների մասով․
Նկատենք, որ միայն Երևան քաղաքում է, որ բոլոր ապրանքախմբերի և ծառայությունների գների մասով արձանագրվել է գնաճ։
Վիճակագրական տվյալների համաձայն՝ սննդամթերքի և ոչ ալկոհոլային խմիչքների գնաճը հանրապետությունում կազմել է 3․8%։ Իսկ ամենաբարձր գնաճը հաստատվել է Վանաձորում՝ 5․6%։
Վիճակագրական տվյալները փաստում են, որ հագուստի և կոշիկի շուկայում գնանկումը հանրապետությունում կազմել է 0․2%։ Մասնավորապես, ամենաբարձր գնաճը հաստատվել է Գյումրիում՝ 1․7%, իսկ ամենախորը գնանկումը՝ 5․1%, Վաղարշապատում։
Բնակարանային ծառայություններ, ջուր, էլեկտրաէներգիա, գազ և վառելիքի այլ տեսակներ ոլորտում գնաճը հանրապետությունում կազմել է 0․6%։ Սակայն ՀՀ խոշոր քաղաքներում ամենաբարձր գնաճը հաստատվել է Կապանում՝ 2%, իսկ ամենախորը գնանկումը՝ Աշտարակում՝ 2․2%։
Կրթության ոլորտում գնաճը հանրապետությունում կազմել է 8․3%։ Ընդ որում՝ ամենաբարձր գնաճը հաստատվել է Վանաձորում՝ 22%։
Իսկ տրանսպորտի մասով գնաճը հանրապետությունում կազմել է 5%։ Այս ոլորտում ամենաբարձր գնաճը դիտվել է Գյումրիում՝ 14%։
Առողջապահության ոլորտում գնաճը հաստատվել է 3% մակարդակում։ Այստեղ ամենաբարձր գնաճը նկատվել է Գավառում՝ 6․6%։
Բաժանորդագրվեք մեր ալիքին Telegram-ում
