ԵՄ խորհրդի կողմից հրապարակված փաստաթղթի համաձայն՝ Ռուսաստանից էներգետիկ ռեսուրսների սահմանափակումների նախագծում, որը մշակվել էր Եվրահանձնաժողովի կողմից և նախկինում հաստատվել էր ԵՄ դեսպանների կողմից, ռուսական նավթի գնման արգելքը չի ներառվել։
«Այս փաստաթղթի շուրջ բանակցելու Եվրախորհրդարանի մանդատը ներառում էր ռուսական նավթի ներմուծման արգելք, սակայն այս դրույթը չի ներառվել վերջնական տեքստում։ Դրա փոխարեն, փաստաթուղթը ներառում է պահանջներ՝ բարձրացնելու նավթի մատակարարման աղբյուրները դիվերսիֆիկացնելու (ԵՄ երկրների) ծրագրերի թափանցիկությունը։ Եվրահանձնաժողովը պարտավոր է առաջարկություններ տրամադրել ԵՄ երկրներին նման ծրագրերի վերաբերյալ», — նշվում է հրապարակված փաստաթղթում։
Նախագիծը նաև նախատեսում է ԵՄ երկրների կողմից ռուսական գազ գնելու լիակատար արգելք 2028 թվականի սկզբից, սակայն ուժի մեջ մտնելու համար այն դեռ պետք է հաստատվի ԵՄ խորհրդի և Եվրախորհրդարանի կողմից 2026 թվականին։
Ավելի վաղ էներգետիկայի հարցերով եվրահանձնակատար Դան Յորգենսենը հայտարարել էր, որ Եվրահանձնաժողովը նաև մտադիր է լիովին արգելել ռուսական նավթի և միջուկային վառելիքի գնումը, որի համար կարող են պատրաստվել առանձին փաստաթղթեր։
Բաժանորդագրվեք մեր ալիքին Telegram-ում
