ԱՄՆ նախագահ Դոնալդ Թրամփը հաստատել է «Ոսկե նավատորմ» ծրագրի մեկնարկը՝ նոր նավեր և անօդաչու նավակներ կառուցելու համար: Այս մասին Axios-ին տված հարցազրույցում հայտարարել է Ռազմածովային ուժերի նախարար Ջոն Ֆելանը։
«Մենք կշարունակենք կառուցել այն նավերը, որոնք կազմում են Ռազմածովային ուժերի ողնաշարը՝ ավիակիրներ, ականակիրներ, երկկենցաղ նավեր, սուզանավեր… Բայց մեզ անհրաժեշտ են նոր, ժամանակակից նավեր», — ընդգծել է Ռազմածովային ուժերի նախարար Ջոն Ֆելանը։
Նա մանրամասնել է, որ նախագիծը ներառում է ամերիկյան ֆրեգատի նոր տեսակի հարթակ, արդիականացված տանկերներ, մատակարարման նավեր և անօդաչու տրանսպորտային միջոցների լայն նավատորմ: Նա նաև հայտարարել է անօդաչու նավակներ արտադրող Saronic-ի հետ 392 միլիոն դոլարի պայմանագրի կնքման մասին։
Նախկինում հաղորդվել էր, որ Թրամփը նախատեսում է ստեղծել «Ոսկե նավատորմ» և թարմացնել Ռազմածովային ուժերը: The Wall Street Journal-ի տվյալներով՝ Սպիտակ տանը աշխույժ քննարկումներ են եղել առկա նավատորմը նոր նավերով փոխարինելու հնարավորության վերաբերյալ՝ սպառնալիքներին, այդ թվում՝ Չինաստանին, արդյունավետորեն հակազդելու համար:
Բաժանորդագրվեք մեր ալիքին Telegram-ում
