Ռուսաստանում կարող են ներդնել վեցժամյա աշխատանքային օր։ Պետդումայում կարծում են, որ ավտոմատացումը թույլ է տալիս կրճատել աշխատանքային ժամանակը՝ առանց վնաս հասցնելու տնտեսությանը։ Ազատված ժամանակը, պատգամավորների կարծիքով, քաղաքացիները կարող են ուղղել անձնական հարաբերություններին, երեխաների դաստիարակությանը և որակավորման բարձրացմանը։ Նրանց համոզմամբ՝ նման նախաձեռնությունը կարող է բարելավել քաղաքացիների ֆինանսական դրությունը և բարձրացնել աշխատատեղերում արտադրողականությունը։
-
Քննարկումները Պետդումայում նոր չեն․ Ռուսաստանի քաղաքական շրջանակներում աշխատանքային օրվա կրճատման գաղափարը պարբերաբար քննարկվել է վերջին տարիներին՝ հատկապես տեխնոլոգիաների արագ զարգացման ֆոնին։
-
Աշխատանքային օրերի կրճատման նախադեպեր կան այլ երկրներում․
-
Շվեդիայում մի շարք ընկերություններ փորձարկել են 6-ժամյա աշխատանքային օր, և ուսումնասիրությունները ցույց են տվել արտադրողականության աճ և աշխատակիցների բավարարվածության բարձրացում։
-
Մեծ Բրիտանիայում 4-օրյա աշխատանքային շաբաթի պիլոտային ծրագիրը նույնպես դրական արդյունքներ է տվել։
-
-
Ռուսաստանում գործատուները հիմնականում դեմ են։ Որոշ փորձագետներ զգուշացնում են, որ բոլոր ոլորտներում հնարավոր չէ կրճատել աշխատանքային ժամը՝ հատկապես ծառայությունների ոլորտում ու պետական համակարգում։
-
Օրինագծի ճակատագիրը հստակ չէ։ Նախաձեռնությունը քննարկման փուլում է, և դեռ պետք է պարզվի, թե այն կստանա՞ արդյոք կառավարության աջակցությունը։
