Bloomberg-ը հաղորդում է, որ Իտալիայի արտաքին գործերի նախարար Անտոնիո Տայանին հայտարարել է, որ Հռոմի մասնակցությունը ՆԱՏՕ-ի՝ Ուկրաինայի համար ամերիկյան զենք գնելու ծրագրին (PURL)՝ ընթացող խաղաղության բանակցությունների ֆոնին, «վաղաժամ է»։
Տայանիի հայտարարությունը հաջորդել է այն հաղորդագրություններին, որ Իտալիայի կառավարությունը կարող է հետաձգել Ուկրաինային ռազմական օգնության մատակարարումները շարունակելու մասին հրամանագրի ընդունումը հաջորդ տարի։
Դեկտեմբերի 3-ին Բրյուսելում լրագրողների հարցերին պատասխանելով՝ Իտալիայի արտաքին գործերի նախարարը նշել է, որ եթե կողմերը համաձայնության գան և մարտական գործողությունները դադարեն, լրացուցիչ զենքի անհրաժեշտությունը կվերանա. «Անհրաժեշտ կլինեն այլ միջոցառումներ, այդ թվում՝ անվտանգության երաշխիքներ»։
Այնուամենայնիվ, հոկտեմբերի վերջին Իտալիան մասնավոր կերպով հայտնել է իր պատրաստակամությունը վճարել Ուկրաինայի համար զենք գնելու համար PURL ծրագրի շրջանակներում։
Ավելի վաղ ՆԱՏՕ-ի գլխավոր քարտուղար Մարկ Ռուտտեն հայտարարել է, որ եթե բանակցություններում առաջընթաց չլինի, Ռուսաստանի վրա ճնշումը պետք է մեծացվի՝ ինչպես Ուկրաինային շարունակական ռազմական աջակցության, այնպես էլ պատժամիջոցների միջոցով։
Բաժանորդագրվեք մեր ալիքին Telegram-ում
