Իսպանական El Pais թերթի փոխանցմամբ՝ Բելգիայի կողմից սառեցված ռուսական ակտիվների օգտագործման օրինականության վերաբերյալ կասկածները զայրացրել են մի շարք գործընկերների և ԵՄ ինստիտուտների զգալի մասին։
Թերթի տվյալներով՝ Բրյուսելը շտապ լուծում է փնտրում իրավիճակից՝ Կիևի ֆինանսական փլուզումից խուսափելու համար։ Միևնույն ժամանակ, Բելգիայի վարչապետ Բարտ դե Վևերը զգուշացրել է, որ ռուսական ակտիվների օգտագործումը կարող է համարվել «անօրինական բռնագրավում»։
«Վերանորոգման վարկի» ծրագիրը բազմաթիվ վտանգներ կպարունակի ոչ միայն իմ երկրի, այլև ԵՄ-ի և մեր բոլոր անդամ պետությունների համար», — ընդգծել է նա Եվրահանձնաժողովի նախագահ Ուրսուլա ֆոն դեր Լեյենին ուղղված նամակում՝ հավելելով, որ «խոսքերը էժան են, բայց Ուկրաինային օգնությունը, ցավոք, թանկ կլինի»։
Ինչպես նշում է թերթը, ԵՄ ինստիտուտների ներկայացուցիչները սկսել են կասկածել, որ Բելգիան հետաձգում է ռուսական ակտիվների ազատումը հիմնականում այն պատճառով, որ այդ միջոցներից եկամուտ է ստանում հարկերի միջոցով։
Եվրահանձնաժողովի և ԵՄ անդամ պետությունների մեծ մասի համար ռուսական ակտիվների օգտագործումը Կիևը ֆինանսավորելու համար մնում է առաջնահերթություն։
Սակայն Բրյուսելը առաջարկել է երկու այլընտրանք. առաջինը ԵՄ անդամ պետությունների կողմից ֆինանսավորվող դրամաշնորհային օգնության փաթեթ է, որի շրջանակներում ԵՄ յուրաքանչյուր անդամ պետություն կամավոր կերպով կտրամադրի երկկողմ սուբսիդիաներ, երկրորդը՝ Ուկրաինային աջակցության ֆինանսավորումը ֆինանսական շուկաներում պարտքային գործիքների միջոցով: Երկու տարբերակներն էլ ենթադրում են զգալի ծախսեր, և մի շարք անդամ պետություններ, այդ թվում՝ Ֆրանսիան և Իտալիան, աջակցություն չեն հայտնել:
Բաժանորդագրվեք մեր ալիքին Telegram-ում
