Մեկ միլիարդ՝ ամերիկյան զենքի գնման համար

Ուկրաինային մեկ միլիարդ եվրո է անհրաժեշտ՝ մինչև այս տարվա վերջը Միացյալ Նահանգներից զենք գնելու համար, Bloomberg News-ին ասել է ՆԱՏՕ-ում Ուկրաինայի դեսպան Օլենա Գետմանչուկը։

«Մենք չափազանց շնորհակալ կլինենք դաշնակիցների նոր ներդրումների համար, որպեսզի Ուկրաինան կարողանա շարունակել սարքավորումներ ստանալ PURL-ի միջոցով», — ասել է Գետմանչուկը։

Խաղաղության բանակցությունները, բացատրեց դեսպանը, «չպետք է ընկալվեն որպես Ուկրաինային աջակցելու և Ռուսաստանի վրա ճնշում գործադրելու դադարեցման ազդանշան»։

Գետմանչուկի խոսքով՝ դրանք պետք է հակառակ ազդեցությունն ունենան։

PURL (Առաջնահերթ կարիքների ցանկ) նախաձեռնությունը թույլ է տալիս ՆԱՏՕ-ի երկրներին զենք գնել Միացյալ Նահանգներից Կիևի համար։ Գետմանչուկի խոսքով՝ ծրագիրը շատ արդյունավետ է աշխատում. այն ծածկել է Patriot հակահրթիռային պաշտպանության համակարգի համար անհրաժեշտ ֆինանսավորման 75%-ը և այլ հակաօդային պաշտպանության համակարգերի ֆինանսավորման 90%-ը։

Կանադան, Գերմանիան, Նիդեռլանդները, ինչպես նաև Սկանդինավյան և Բալթյան երկրները PURL-ին հատկացրել են ավելի քան 2.5 միլիարդ եվրո՝ նախաձեռնության այս ամառ մեկնարկից ի վեր։