Ձեթը թանկացել է, առևտրաշրջանառությունը՝ նվազել․ Շաբաթը՝ թվերով. Տեսանյութ

Թվեր, փաստեր և ֆինանսներ․ ամփոփում ենք շաբաթը Banksnews.am-ի հետ։

Նոր ռեկորդներ է գրանցում երևանյան օդն իր աղտոտվածության ցուցանիշներով։ Օրերս Կենտրոնում մինչև 4, Արաբկիրում՝ մինչև 1.6 անգամ բարձր է եղել օդում առկա փոշու և այլ վտանգավոր մասնիկների քանակը։ Այս մասին է հայտնում Հիդրոօդերևութաբանության և մոնիթորինգի կենտրոնը։

2025թ. հոկտեմբերին ռեկորդային՝ 81 0074 նոր աշխատատեղ ունենք։ Նախորդ տարվա հոկտեմբերի համեմատ աշխատատեղերը ավելացել են 30923-ով։ Այս մասին է հայտարարել էկոնոմիկայի նախարարը։

Գանք գնաճին։ Վիճակագրական կոմիտեի տվյալներով՝  2025 թ․ հոկտեմբերին, նախորդ տարվա նույն ամսվա համեմատ, ձեթը թանկացել է 18.6%, մակարոնեղենը՝ 8.2%,  թթվասերը 5.6%, մածունը՝ 4.8%-ով։

2026 թվականին խմելու ջրի սակագինը սպառողների համար չի թանկանա: Այդ մասին հայտնում են ՀԾԿՀ-ից:Սոցիալապես անապահով բաժանորդների համար 2026 թվականին սակագինը կլինի 180 դրամ, մյուս բոլոր բաժանորդների համար՝ 200,42 դրամ։

Անկում Հայաստանի արտաքին առևտրաշրջանառության ոլորտում։ 2025թ. հունվար-սեպտեմբերին մեր առևտրաշրջանառությունը կազմել է 14․56 մլրդ դոլար, ինչը 2024թ. համադրելի ցուցանիշի համեմատ նվազել է 9․4 մլրդ դոլարով կամ 39․34%-ով։

Ի դեպ, ՀՀ վիճակագրական կոմիտեի տվյալներով, ՀՀ խոշորագույն առևտրային գործընկերն են․ Ռուսաստանը —  4․97 մլրդ դոլար, Չինաստան —  1․88 մլրդ դոլար,         ԱՄԷ —  1․4 մլրդ դոլար:

Եվ վերջում՝ ֆինանսների նախարարը նոր նախագիծ է ներկայացրել Կառավարությանը։ Ցանկացած քաղաքացի առևտրի անկանխիկ վճարումներից 2 տոկոս հետվճար է ստանալու նույն քարտին՝ ինքնաշխատ եղանակով,  դիմում գրելու և այլ գործողություններ անելու կարիք չի լինի։