Կանադան և Հնդկաստանը ավարտում են Օտտավայի կողմից Նյու Դելիին ուրան մատակարարելու 2.8 միլիարդ դոլարի համաձայնագրի նախապատրաստական աշխատանքները։ Այս մասին նոյեմբերի 25-ին հայտնել է «The Globe and Mail»-ը՝ հղում անելով աղբյուրներին։
«Արտահանման համաձայնագիրը կարժենա մոտավորապես 2.8 միլիարդ դոլար և կարող է տևել 10 տարի», — նշել է թերթը։
Նշվում է, որ գործարքը վկայում է երկու երկրների միջև հարաբերությունների ջերմացման մասին նախորդ երկամյա դիվանագիտական դադարից հետո։
Աղբյուրների համաձայն՝ կանադական Cameco Corp. ընկերությունը պատասխանատու կլինի ուրանի մատակարարումների համար։ Արտահանման համաձայնագիրը կարող է լինել երկու երկրների միջև ավելի լայն միջուկային համագործակցության մաս։
Ավելի վաղ՝ նոյեմբերի 18-ին, Լոնդոնում Ռուսաստանի դեսպանատունը «Իզվեստիա»-ին հայտնել է, որ Մեծ Բրիտանիան մտադիր է դադարեցնել ռուսական ուրանի ներմուծումը մինչև 2028 թվականը՝ այն փոխարինելով Միացյալ Նահանգներից մատակարարումներով։
Խոսքը ոչ թե ուղղակի մատակարարումների, այլ ֆրանսիական EDF-ին պատկանող ռուսական ծագում ունեցող վառելիքի գնման մասին է։
Բաժանորդագրվեք մեր ալիքին Telegram-ում
