Telegram-ի նոր աճուրդային մեխանիկայի միջոցով ամբողջությամբ վաճառվել է թեթև քաշային կարգի UFC-ի նախկին չեմպիոն Հաբիբ Նուրմագոմեդովի թողարկած 29 հազար թվային «պապախներից»։
Ընդհանուր առմամբ ներկայացվել էր 29 000 հավաքածուային պապախ՝ 290 հինգ րոպեանոց փուլերով։ Մեկ «նվերի» միջին գինը կազմել է 10 100 աստղ, ինչը համարժեք է մոտ 103 TON-ի կամ շուրջ 150 ԱՄՆ դոլարի։ Այսպիսով՝ «պապախների» ընդհանուր վաճառքն ստեղծել է մոտ $4,35 մլն (≈₽343 մլն) հասույթ։
Պավել Դուրովի խոսքով՝ այս նվերները «պարունակում են ոչ միայն արժեք, այլ նաև իմաստ»՝ խորհրդանշելով ավանդույթներ, ազատություն և հարգանք։
Դուրովը նաև իր հարցազրույցում Լեքս Ֆրիդմանի հետ նշել էր, որ դեռ այս տարվա հուլիսին, երբ ռեփեր Snoop Dogg-ը Telegram-ում վաճառեց գրեթե մեկ միլիոն թվային նվեր և վաստակեց շուրջ $12 մլն, բազմաթիվ ինֆլյուենսերներ ու արտիստներ սկսել են հերթ կանգնել՝ իրենց սեփական հավաքածուները թողարկելու համար։
Բաժանորդագրվեք մեր ալիքին Telegram-ում
