Եվրահանձնաժողովը սկսել է Ռուսաստանի դեմ պատժամիջոցների 20-րդ փաթեթի պատրաստումը․ Բրյուսելում կայացած ճեպազրույցի ժամանակ հայտարարել է հանձնաժողովի խոսնակ Անիտա Հիպերը, հաղորդում է ՏԱՍՍ-ը։
«Մենք աշխատում ենք Ռուսաստանի դեմ պատժամիջոցների 20-րդ փաթեթի վրա», — հայտարարել է նա։
Ավելին, Եվրահանձնաժողովի խոսնակ Պաուլա Պինյոն ընդգծել է, որ Եվրահանձնաժողովը չի մտադիր հրաժարվել արտասահմանում գտնվող ռուսական ակտիվների բռնագրավման ծրագրերից՝ անկախ Ուկրաինայում ստեղծված իրավիճակի հնարավոր լուծումից։
Ուրբաթ օրը ՄԱԿ-ում ԱՄՆ մշտական ներկայացուցիչ Մայք Վալցը սպառնացել է Ռուսաստանին խստացնել պատժամիջոցները՝ անզիջում լինելու համար։
Ավելի վաղ ՆԱՏՕ-ում ԱՄՆ մշտական ներկայացուցիչ Մեթյու Ուիտակերը կոչ էր արել եվրոպական երկրներին ավելի ագրեսիվ գործել ռուսական ակտիվների դեմ և հայտարարել էր Ռուսաստանի դեմ ԱՄՆ պատժամիջոցների նոր «ջախջախիչ» փաթեթի մասին։
Նախօրեին Հունգարիայի արտաքին գործերի նախարար Պետեր Սիյարտոն հայտարարել էր, որ Եվրամիությունը քննարկում է ռուսական նավթի մատակարարման արգելքի և Ռուսաստանի հետ միջուկային էներգետիկայի ոլորտում համագործակցության դադարեցման հնարավորությունը 20-րդ պատժամիջոցների փաթեթում ներառելու հնարավորությունը։
Բաժանորդագրվեք մեր ալիքին Telegram-ում
