Հնդկաստանը կգործարկի ռուփիով ապահովված ստեյբլքոին՝ դոլարային թոքեններին այլընտրանք լինելու համար

Հնդկաստանի իշխանությունները պատրաստվում են գործարկել ազգային ստեյբլքոին ARC (Asset Reserve Certificate), որը լիովին ապահովված կլինի հնդկական ռուփիով։ CoinDesk-ի տեղեկություններով՝ թոքենի թողարկումը նախատեսված է 2026 թվականի առաջին եռամսյակում։ Նախագծի վրա աշխատում են Polygon-ի մշակողները և Anq ֆինտեխնոլոգիական ընկերությունը։

ARC-ը նախատեսված է բացառապես բիզնես միջավայրի համար և կապահովվի բարձր լիկվիդային ակտիվներով՝ դրամական միջոցներով, բանկային դեպոզիտներով կամ պետական պարտատոմսերով։ Այս մեխանիզմը, նախագծողների դիտարկմամբ, կօգնի պարբերել կարգավորող մարմինների պահանջներին և բիզնեսին առաջարկել այլընտրանք դոլարով ապահովված ստեյբլքոիններին, որոնք դուրս են բերում լիկվիդայնությունը ազգային ֆինանսական համակարգից։

Նախագծի հիմնական նպատակը կապիտալի պահպանումն է երկրի ներսում և պետական պարտքի նկատմամբ պահանջարկի խթանումը։ Նոր թոքենը կդառնա թվային ռուփիի լրացուցիչ գործիք և չի խախտի պետության վերահսկողությունը դրամական համակարգի նկատմամբ։