ՌԴ Բրյանսկի մարզային դումայի «Եդինայա Ռոսիա» կուսակցության պատգամավոր Միխայիլ Իվանովը առաջարկել է ռուսների համար ամուսնալուծության համար 40 000 ռուբլի տուգանք սահմանել: Նա նախաձեռնությունը ներկայացրել է Համաշխարհային Ռուս Ժողովրդական Խորհրդի նիստում․ հայտնում են ռուսական լրատվամիջոցները:
Միևնույն ժամանակ, պատգամավորը առաջարկել է ամուսնացող քաղաքացիներին վճարել 20000 ռուբլի՝ նշելով, որ ամուսնալուծության տուգանքը կարող է ծառայել որպես «հավասարակշռող գործոն» սուղ բյուջեի պայմաններում:
Ավելին՝ նա պաշտպանել է Ռուսաստանի օրենսդրությունում «մայրության և մանկության վարկաբեկման» արգելքի ամրագրումը՝ ընդգծելով, որ «թույլտվությունը պետք է արգելվի»:
Ըստ պաշտոնական վիճակագրության՝ Ռուսաստանը անցյալ տարի աշխարհում զբաղեցրել է երրորդ տեղը ամուսնալուծությունների մակարդակով՝ յուրաքանչյուր տասը ամուսնության դիմաց մոտ ութ ամուսնալուծություն:
Սկսած 2025 թվականից՝ Ռուսաստանում ամուսնալուծության վճարը կաճի 650-ից մինչև 5000 ռուբլի:
Համաձայն սոցհարցման՝ ռուսների մեկ երրորդը (33%) ամուսնալուծության պատճառներ են նշում աղքատությունը և ընտանիքը պահելու անկարողությունը, 15%-ը՝ փոխըմբռնման բացակայությունը, իսկ ևս 14%-ը՝ անհավատարմությունը և խանդը։
Բաժանորդագրվեք մեր ալիքին Telegram-ում
