Ջեֆ Բեզոսը խոստացել է իր կարողության մեծ մասը տրամադրել բարեգործությանը

Իր ընկերուհու՝ Լորեն Սանչեսի հետ հարցազրույցում Amazon-ի հիմնադիրն ասել է, որ ծրագրում է տալ իր՝ մոտ 124 միլիարդ դոլար կարողության մեծ մասը:

Բեզոսն ասել է, որ ծրագրում է այս հարստության մեծ մասը նվիրել կլիմայական ճգնաժամի դեմ պայքարին և նրանց աջակցելուն, ովքեր կարող են միավորել մարդկությանը:

Ըստ նրա՝ գումարը բաժանելու միակ դժվարությունը հասկանալն է, թե ինչպես դա անել լծակներով:

Սա առաջին հայտարարությունն է, որտեղ Բեզոսը խոստանում է տալ իր ունեցվածքի մեծ մասը: Նախկինում ոմանք քննադատել էին Amazon-ի հիմնադիրին Giving Pledge-ը չստորագրելու համար, ըստ որի՝ աշխարհի ամենահարուստ մարդկանցից ոմանք իրենց ունեցվածքի մեծ մասը խոստանում են նվիրաբերել բարեգործությանը:

Բեզոսի նախկին կինը՝ Մաքքենզի Սքոթը, ստորագրել է Giving Pledge-ը 2019 թվականին և այդ ժամանակվանից դարձել է ԱՄՆ-ի առաջատար բարերարներից մեկը։ Այս տարվա մարտի դրությամբ Սքոթն ընդհանուր առմամբ տվել է 12,5 միլիարդ դոլար։