Ամերիկացիներն ու գերմանացիները վերականգնում են Սիրիայի հոսանքը

Reutersը՝ հղում անելով աղբյուրներին, հաղորդում է, որ ամերիկյան GE Vernova ընկերությունը և գերմանական Siemens Energy-ն բանակցություններ են վարում Սիրիայի կառավարության հետ՝ երկրի ավերված էներգետիկ ենթակառուցվածքը վերականգնելու համար գազային տուրբիններ մատակարարելու վերաբերյալ։

Մայիսին Դամասկոսը պայմանագիր է կնքել Քաթարի Power International Holding-ի հետ՝ 4000 մեգավատտ հզորությամբ գազային տուրբինային էլեկտրակայան և 1000 մեգավատտ հզորությամբ արևային էլեկտրակայանի համար մատակարարման վահանակներ կառուցելու համար։

Աղբյուրների համաձայն՝ GE Vernova-ի և Siemens Energy-ի տուրբինները նախատեսված են հատուկ այս նախագծի համար։

Պայմանագրի արժեքը դեռևս չի հրապարակվել։

Մի աղբյուր պարզաբանել է, որ համաձայնագիրը կարող է ներառել նաև այլ սարքավորումների մատակարարում, այդ թվում՝ էլեկտրացանցի հիմնական ենթակառուցվածքների համար։

Siemens Energy-ն հաստատել է, որ տեղական պատվիրակությունը հանդիպել է Սիրիայի որոշում կայացնողների հետ՝ երկրի էներգամատակարարման արագ բարելավման ուղիները քննարկելու համար, բայց լրացուցիչ մանրամասներ չի տրամադրել։

GE Vernova-ն չի պատասխանել Reuters-ի հարցմանը։