«Հաջողված» գյուղատնտեսությունը ոչ միայն լուծում է պարենային անվտանգության հետ կապված խնդիրները, այլև այդպիսով էապես նպաստում է տնտեսության զարգացմանը։ Իսկ գյուղատնտեսության զարգացման համար, բնականաբար, կարևոր է բավարար մակերեսներով վարելահողերի առկայությունը։
Այս առումով ուսումնասիրենք տարբեր երկրներում վարելահողերի մասնաբաժինը երկրի ընդհանուր տարածքում․
Համաշխարհային բանկի տվյալների համաձայն` վարելահողերի հսկայական մակերեսով առաջին տեղում է Բանգլադեշը. տարածքի շուրջ 61%-ը վարելահողեր են։
Երկրորդ տեղում է Դանիան՝ 59% արդյունքով։
Երրորդ հորիզոնականում են հայտնվել Ուկրաինան և Մոլդովան շուրջ 57% ցուցանիշով։
ԱՊՀ-ում ՈՒկրաինայից և Մոլդովայից հետո վարելահողերի մեծ մասնաբաժին ունի Բելառուսը՝ մոտ 27%։
Այնուհետև գալիս է Ադրբեջանը` վարելահողերի մոտ 25% մասնաբաժնով։
Հետաքրքիրն այն է, որ Հայաստանում վարելահողերի մասնաբաժինը կազմում է մոտ 16%, իսկ Ղազախստանում, որտեղից Հայաստանը ցորեն է ներմուծում, տարածքի միայն 11%-ն են վարելահողեր։
Բաժանորդագրվեք մեր ալիքին Telegram-ում
