Tesla-ի գործադիր տնօրեն և Twitter-ի սեփականատեր Իլոն Մասկը հայտնել է, որ իր SpaceX ընկերությունը գնել է Starlink-ի գովազդները Twitter-ում։
«SpaceX Starlink-ը գնել է փոքրիկ, ոչ մեծ գովազդային փաթեթ՝ Ավստրալիայում և Իսպանիայում Twitter-ի գովազդի արդյունավետությունը ստուգելու համար: Նույնն արել է FB/Insta/Google-ի համար»,- գրել է Մասկը Twitter-ի իր հաշվում:
Պատասխանելով այն հաղորդագրություններին, որ SpaceX-ը, իբր, գնել է «մեծ գովազդային փաթեթ Twitter-ից», Մասկը շեշտը դրել է այն բանի վրա, որ ընկերությունը գովազդի փոքր փաթեթ է գնել։
Starlink-ը նոր սերնդի արբանյակային ցանց է, որը նախատեսված է ամբողջ աշխարհում լայնաշերտ ինտերնետ հասանելիություն ապահովելու համար: Ամերիկյան Twitter ընկերությունը հիմնադրվել է 2006 թ.։ Ընկերության հիմնական արտադրանքը կարճ հաղորդագրությունների փոխանակման սոցիալական ցանցն է։ Գլխավոր գրասենյակը գտնվում է Սան Ֆրանցիսկոյում։
Բաժանորդագրվեք մեր ալիքին Telegram-ում
