Ռուսաստանում մեկ տարվա ընթացքում էսպրեսսոն թանկացել է 40%-ով

Ռուսաստանում էսպրեսսոյի միջին գինը մեկ տարվա ընթացքում աճել է 40%-ով և այժմ կազմում է մոտ 147 ռուբլի, հայտնում է Quick Resto-ն։

Էսպրեսսոյից բացի, թանկացել են նաև այլ սրճային ըմպելիքներ․

• Ռաֆ — թանկացել է 18,5%, հասնելով 288 ռուբլու,

• Լատտե — աճել է 18%, մինչև 272 ռուբլի,

• Ամերիկանո — բարձրացել է 17,5%, մինչև 175 ռուբլի,

• Կապուչինո — թանկացել է 17,3%, մինչև 245 ռուբլի։

Թանկացման հիմնական պատճառը հումքի արժեքի կտրուկ աճն է․

• Սուրճի հատիկների գինը բարձրացել է շուրջ 42%,

• Կաթի գինը՝ 25%։

Վերլուծաբանների կարծիքով, եթե գներն այս տեմպերով շարունակեն աճել, ապա մինչև 2026 թվականը Ռուսաստանում սրճարանային միջին պատվերի արժեքը կարող է գերազանցել 400 ռուբլին, իսկ սպառման ընդհանուր ծավալը կսկսի նվազել՝ հատկապես մարզային քաղաքներում։