Ամիօ բանկը մասնակցել է Հայաստանի բանկերի միության նախաձեռնությամբ կազմակերպված «Սյունիքի մարզում բիզնեսի և բանկային համակարգի համագործակցության հնարավորություններն ու հեռանկարները» թեմայով համաժողովին։
Միջոցառումը մեկնարկել է «Բանկերը մեկ տեղում» էքսպոյով, որի ընթացքում մարզի բնակիչներն ու ձեռնարկատերերը հնարավորություն են ունեցել շփվելու բանկերի ներկայացուցիչների հետ և տեղեկանալու ֆինանսավորման հնարավորություններին։
Էքսպոյի ընթացքում Ամիօ բանկը ներկայացրել է բիզնեսների և ֆիզիկական անձանց համար նախատեսված պրոդուկտներն ու առավելությունները՝ կարևորելով Սյունիքի մարզում բանկային ծառայությունների հասանելիությունը և գործընկերային հարաբերությունների զարգացումը։
Կապանի մասնաճյուղը դրա լավագույն օրինակն է․ այն մարզի բնակիչներին ու գործարարներին հնարավորություն է տալիս օգտվել բանկի ծառայություններից՝ արագ, ճկուն և հարմարավետ կերպով։
Համաժողովին մասնակցել են ՀՀ Կառավարության, Կենտրոնական բանկի և առևտրային բանկերի ներկայացուցիչներ, ինչպես նաև Սյունիքի մարզպետարանի, Կապան համայնքի և մարզի բիզնես համայնքի ներկայացուցիչներ։
Ամիօ բանկը շարունակաբար աջակցում է տեղական բիզնեսների զարգացմանը՝ առաջարկելով արդյունավետ ֆինանսական լուծումներ։
Բանկը վերահսկվում է ՀՀ ԿԲ կողմից։
Բաժանորդագրվեք մեր ալիքին Telegram-ում
