Պետդումայի պատգամավորները առաջարկել են սահմանել պատասխանատվություն ճանապարհային ոստիկանության աշխատակիցների համար այն դեպքերում, երբ նրանք անօրինաբար կամ սխալմամբ արձանագրություններ են կազմում վարորդների նկատմամբ։
Բացատրական գրությունում նշվում է մի շարք իրավիճակներ, երբ տեսախցիկները սխալ են ֆիքսում խախտումներ. օրինակ՝ երբ լուսանկարում երևում է այլ մեքենա, երբ հատված գիծը հատում է ոչ թե մեքենան, այլ նրա ստվերը, կամ երբ վարորդը ստանում է արագության գերազանցման տուգանք այն դեպքում, երբ իր մեքենան տվյալ պահին գտնվում էր տարհանման մեքենայի (էվակուատորի) վրա։
«Նման ակնհայտ դեպքերում, երբ վարորդը ոչ մի խախտում չի կատարել, պատասխանատու պաշտոնյաները հաճախ՝ չզգուշանալով կամ շտապելով, իսկ երբեմն՝ դիտավորյալ, ստորագրում են վարչական արձանագրությունները՝ կարծելով, որ քչերը կբողոքարկեն դրանք», — նշվում է փաստաթղթում։
Պատգամավորները առաջարկել են սահմանել տուգանք ճանապարհային ոստիկանության պաշտոնյաների համար այն նույն չափով, ինչ վարորդին է նշանակվել, բայց ոչ պակաս, քան 5000 ռուբլի։
Պատգամավոր Դմիտրի Գուսևի խոսքերով՝ այս նախաձեռնությունը թույլ կտա բարձրացնել պաշտոնյաների պատասխանատվությունը, նվազեցնել սխալ տուգանքների քանակը և վերականգնել քաղաքացիների վստահությունը ավտոմատ արձանագրման համակարգի նկատմամբ։
Բաժանորդագրվեք մեր ալիքին Telegram-ում
