Balancer-ից դուրս է բերվել շուրջ $100 մլն․ հնարավոր է հաքերային հարձակում

Դեցենտրալիզացված ֆինանսական պրոտոկոլ Balancer-ը, ըստ ամենայնի, ենթարկվել է հաքերային հարձակման։ Միաժամանակ մի քանի բլոքչեյն-մոնիթորինգային ծառայություններ արձանագրել են ավելի քան $110 մլն արժեքով թոքենների դուրսբերում։ Հարձակումը, ըստ հաղորդագրությունների, դեռ շարունակվում է մի քանի բլոքչեյններում, որտեղ գործում է Balancer-ը։

Պրոտոկոլի մեկ հասցեից կատարվել են մեծածավալ փոխանցումներ դեպի արտաքին դրամապանակ։ Դրանց թվում են՝

• 6 587 WETH՝ $24,5 մլն,

• 6 851 osETH՝ $26,9 մլն,

• 4 260 wstETH՝ մոտ $19,3 մլն,
  ինչպես նաև մի շարք այլ կրիպտոակտիվներ։

Ենթադրյալ հաքերի հասցեները, որոնց ուղղությամբ շարունակվում են փոխանցումները, հետևվում են DeBank ծառայության միջոցով։

Balancer-ի թիմը մինչ այս պահը պաշտոնական մեկնաբանություն չի արել։

Նշենք, որ Balancer-ը գործարկվել է 2020 թվականին և միայն Ethereum ցանցում ունի ավելի քան $350 մլն ընդհանուր արգելափակված միջոցներ (TVL)։