ԱՄՆ նախագահ Դոնալդ Թրամփը հայտարարել է, որ Միացյալ Նահանգները հույս ունի Չինաստանի հետ երկարաժամկետ առևտրային համաձայնագրի հասնել։
«Չինաստանի հետ գործարքը հիանալի կլինի։ Այն երկարատև կլինի», — լրագրողներին ասել է Թրամփը Վաշինգտոնից դեպի Ֆլորիդա նահանգի Պալմ Բիչ թռչող ինքնաթիռում։
Ամերիկացի առաջնորդը շաբաթավերջն անցկացնում էր Ֆլորիդայի իր Մար-ա-Լագո կալվածքում։
Նա նշել է, որ լավ է շփվել Չինաստանի նախագահ Սի Ցզինպինի հետ հոկտեմբերի 30-ին Հարավային Կորեայում APEC գագաթնաժողովի շրջանակներում կայացած նրանց հանդիպման ժամանակ։
«Կարծում եմ՝ մենք երկար ժամանակ հիանալի հարաբերություններ կունենանք նրանց հետ», — հավելել է ԱՄՆ նախագահը։
Նա ասել է, որ ամերիկյան սոյայի մատակարարման հարցը Չինաստան շուտով կլուծվի՝ ԱՄՆ գյուղատնտեսության շահերից ելնելով։
«Ես առաջարկում եմ, որ նրանք գնեն ավելի մեծ տրակտորներ և ավելի շատ հողատարածքներ», — ասել է նախագահը, նկատի ունենալով ամերիկացի ֆերմերներին և նրանց արտահանումը Չինաստան։
