Google-ը հաղորդել է Gmail-ի ավելի քան 183 միլիոն օգտահաշվի տվյալների արտահոսքի մասին, որը տեղի է ունեցել ինֆոսթիլերների (infostealer)՝ վնասաբեր ծրագրերի միջոցով։ Դրանք աննկատ կերպով գողանում են օգտատերերի գաղտնաբառերը համակարգիչներից և հեռախոսներից։
Ընկերությունը հրատապ կոչ է արել օգտատերերին անմիջապես փոխել իրենց գաղտնաբառերը և միացնել երկփուլային նույնականացումը (2FA)՝ հաշիվները պաշտպանելու համար։
Google-ի հայտարարության համաձայն՝ եթե օգտատերերը չձեռնարկեն անվտանգության միջոցներ, հաքերները կարող են մուտք գործել Gmail փոստարկղեր, ստանալ հասանելիություն կապված հաշիվներին, բանկային տվյալներին և գողանալ անձնական տեղեկատվություն՝ օգտագործելով այն խարդախ նպատակներով։
Տեղեկատվական անվտանգության մասնագետների խոսքով՝ վերջին ամիսներին աճել է ինֆոսթիլեր վիրուսների տարածման տեմպը, որոնք հիմնականում ներթափանցում են համակարգեր՝
-
կեղծ հավելվածների,
-
էլփոստով ստացված «հղումների»,
-
կամ անվճար ծրագրերի ներբեռնումների միջոցով։
Փորձագետները խորհուրդ են տալիս պարբերաբար ստուգել սարքերը հակավիրուսային ծրագրերով և չմուտքագրել գաղտնաբառեր անծանոթ կայքերում։
Բաժանորդագրվեք մեր ալիքին Telegram-ում
