Ռուսաստանի Պետական դումայում մինչև տարվա վերջ պատրաստվում են ներկայացնել օրենքների նախագծեր, որոնք նախատեսում են պատասխանատվություն կրիպտոարժույթների ապօրինի մայնինգի համար, այդ թվում՝ առանձին հոդված՝ էլեկտրաէներգիայի գողության նպատակով մայնինգ իրականացնելու դեպքերի համար։ Այս մասին հայտնել է «Եդինայա Ռոսիյա» կուսակցության մամուլի ծառայությունը։
Նախագծվող փոփոխությունները կներառեն վարչական պատասխանատվություն՝ փոփոխություններ կատարելով Վարչական իրավախախտումների օրենսգրքում (ԿոԱՊ), ինչպես նաև քրեական պատասխանատվություն՝ լրացումներով Քրեական և Քրեական դատավարության օրենսգրքերում։
Պետդումայի էներգետիկայի կոմիտեի նախագահ Նիկոլայ Շուլգինովը նշել է․
«Մի շարք շրջաններում՝ օրինակ Իրկուտսկի մարզում, Հակասիայում և Տաթարստանում, բնակչության համար սահմանված ցածր էլեկտրաէներգիայի սակագները մայնինգի համար օգտագործելը հանգեցնում է սարքավորումների արտահոսքի արդյունաբերական տվյալների կենտրոններից դեպի նկուղներ, տանիքներ, ավտոտնակներ և պատշգամբներ։ Սա մեծացնում է անօրինական սպառումը և ծանրաբեռնում է էլեկտրացանցերը։ Անհրաժեշտ են վճռական քայլեր՝ ապօրինի մայնինգը բացահայտելու և վերացնելու համար»։
Բաժանորդագրվեք մեր ալիքին Telegram-ում
