ՀՀ -ում 2025թ․ հունվար-օգոտսոսին 2024թ․ նույն ժամանակահատվածի համեմատ արտահանման ծավալները կրճատվել են մոտ 49%-ով, իսկ ներմուծման ծավալները՝ մոտ 35%-ով։ Հետաքրքիր է ուսումնասիրել ոչ թե արտահանման և ներմուծման ծավալների կրճատումը ըստ տարբեր ապրանքախմբերի․
Վիճակագրական կոմիտեի տվյալների համաձայն՝ արտահանման ծավալների զգալի աճ 2025թ․ հունվար-օգոստոսին 2024թ․ նույն ժամանակահատվածի համեմատ դիտվել է հետևալ ապրանքախմբերի պարագայում․
- փայտ և փայտյա իրեր՝ 131%,
- կոշկեղեն, գլխարկներ, հովանոցներ` 78%,
- սարքեր և ապարատներ` 49%:
Արտահանման ծավալների զգալի անկումներ դիտվել են ստորև բերված ապրանքախմբերի դեպքում․
- թանկարժեք և կիսաթանկարժեք քարեր, թանկարժեք մետաղներ և դրանցից իրեր՝ մոտ 76%,
- վերգետնյա, օդային և ջրային տրանսպորտի միջոցներ՝ 65%,
- արվեստի ստեղծագործություններ՝ մոտ 44%։
«Արի մեզ մոտ»․ Տեղափոխեք անշարժ գույքի գրավով վարկն ԱրարատԲանկ՝ շահավետ պայմաններով
Վիճակագրական կոմիտեի տվյալների համաձայն՝ ներմուծման ծավալների զգալի աճ 2025թ․ հունվար-օգոստոսին 2024թ․ նույն ժամանակահատվածի համեմատ դիտվել է հետևալ ապրանքախմբերի պարագայում․
- կոշկեղեն, գլխարկներ, հովանոցներ՝ մոտ 30%,
- թուղթ և թղթից իրեր` մոտ 26%,
- կենդանական և բուսական ծագման յուղեր և ճարպեր` մոտ 20%:
Ներմուծման ծավալների զգալի անկումներ դիտվել են ստորև բերված ապրանքախմբերի դեպքում․
- թանկարժեք և կիսաթանկարժեք քարեր, թանկարժեք մետաղներ և դրանցից իրեր՝ մոտ 78%,
- արվեստի ստեղծագործություններ՝ մոտ 56%,
- կաշվի հումք, կաշի, մորթի և դրանցից պատրաստված իրեր՝ մոտ 24%։
