ՌԴ Պետդումայի պատգամավորները հանդես են եկել նախաձեռնությամբ՝ չեղարկելու տուգանքները այն վարորդների համար, ովքեր կանգ են առնում խցանումներում՝ նույնիսկ «Կանգառն արգելվում է» նշանի տակ։
Պատգամավորների խոսքով՝ սա համակարգային խնդիր է. ավտոմատ տեսախցիկները հաճախ սխալ են մեկնաբանում խցանումում տեղի ունեցող հարկադիր կանգառը՝ որպես վարչական խախտում, թեև վարորդները ֆիզիկապես չեն կարող առաջ շարժվել ճանապարհային իրավիճակի պատճառով։
Նախաձեռնության հեղինակները առաջարկում են վերանայել ֆոտո- և վիդեոֆիքսացիոն համակարգերի աշխատանքային սկզբունքը նման իրավիճակներում և ներդնել ավտոմատ չեղարկման մեխանիզմ այն դեպքերի համար, երբ խախտումը փաստացի տեղի չի ունեցել։
Փաստաթղթում նշվում է, որ համակարգը պետք է կարողանա ճանաչել կոնտեքստը՝ եթե կանգառը պայմանավորված է խցանմամբ, լուսացույցի կարմիր լույսով կամ խաչմերուկից առաջ մեքենաների կուտակումով, այն չպետք է համարվի խախտում։
Որպես այլընտրանք, առաջարկվում է նաև երկարացնել տեսախցիկների արձանագրության ժամանակային շեմը, որպեսզի կարճատև հարկադրական կանգառները չհանգեցնեն տուգանքների։
Բաժանորդագրվեք մեր ալիքին Telegram-ում
