Դատարանը օրինական է համարել արագության գերազանցման համար «կրկնակի» տուգանքը

Դատարանը օրինական է համարել արագության գերազանցման համար «կրկնակի» տուգանքը:

Խոսքը վերաբերում է խախտմանը, որը ֆիքսվել է երկու տեսախցիկներով՝ տեղակայված միմյանցից մի քանի հարյուր մետր հեռավորության վրա, ըստ Ռուսաստանի Վերագույն դատարանի 2025թ․ սեպտեմբերի 24-ի որոշման։

Դիմումատուն եղել է «Ավտոմոբիլային-տրանսպորտային ձեռնարկություն-1» ՍՊԸ-ն Վորոնեժից, որը զբաղվում է ավտոբուսային փոխադրումների կազմակերպմամբ։ Ընկերության մեկ ավտոբուսը 2023թ․ մայիսի 4-ին անցել է 85 կմ/ժ արագությամբ, այն դեպքում, երբ թույլատրելի էր 60 կմ/ժ, և երկու տեսախցիկներն էլ արձանագրել են խախտումը՝ ընդամենը 22 վայրկյան տարբերությամբ։

Ընկերության իրավաբանները պնդել են, որ սա նույն խախտման կրկնակի պատժում է, ինչն արգելվում է Վարչական օրենսգրքի 24.5-րդ հոդվածով, սակայն բոլոր ատյանների դատարանները, ներառյալ Վերագույն դատարանը, մերժել են բողոքը։

Դատավոր Սերգեյ Կուզմիչևը նշել է․

«Յուրաքանչյուր արձանագրված գործողություն ինքնուրույն կազմ է հանդիսանում վարչական խախտման, ուստի ընկերության՝ վարչական պատասխանատվության ենթարկվելը լիովին օրինական է»։

Այսպիսով, Վերագույն դատարանը հաստատել է, որ եթե արագության գերազանցումը ֆիքսվում է տարբեր տեսախցիկներով—հաճախ կարճ ժամանակի տարբերությամբ—յուրաքանչյուրը կարող է դիտվել որպես առանձին խախտում և ենթարկվել առանձին տուգանքի։