Բիթքոյնի խոշոր ներդրողները սկսել են ակտիվորեն փոխանցել իրենց կրիպտոակտիվները բորսայական ֆոնդեր (ETF), գրում է Bloomberg-ը։ Ամառային փոփոխությունների արդյունքում ներդրվել է in-kind մեխանիզմը, որը թույլ է տալիս փոխանակել բիթքոյնները ETF բաժնետոմսերի հետ՝ առանց վաճառքի և հարկման։
Ավելի վաղ ֆոնդերը գործում էին միայն in-cash մոդելով՝ երբ հնարավոր էր վաճառել բիթքոյնները դոլարով և այդ գումարով գնել ETF բաժնետոմսեր։ Նոր մոտեցումը հնարավորություն է տալիս փոխանցել կրիպտոարժույթը անմիջապես՝ առանց փոխարկման։
Bloomberg-ի տվյալներով՝ միայն BlackRock ընկերության ETF-ում նման փոխանակումների ծավալը գերազանցել է 3 միլիարդ դոլարը։ Ներդրողները շարունակում են պահպանել իրենց կապը բիթքոյնի գնի հետ, սակայն այժմ դա անում են ավելի հարմար ձևաչափով՝ ֆոնդային գործիքի միջոցով, որը հեշտ է հաշվառել, ժառանգաբար փոխանցել կամ օգտագործել որպես գրավ։
Ըստ կրիպտոբրոքերների՝ հետաքրքրությունը այս մոդելի նկատմամբ հատկապես մեծանում է խոշոր և ապահով ներդրողների շրջանում, որոնք նախընտրում են գործել սովորական ֆինանսական միջավայրում՝ բանկերի, բրոքերների և կառավարման ընկերությունների միջոցով։
Շուկայի մասնակիցներից մեկը նշել է, որ սա պարադոքսալ իրավիճակ է․ բիթքոյնը ստեղծվել էր որպես ավանդական ֆինանսների այլընտրանք, սակայն այժմ նրա խոշոր պահորդները կամավոր վերադարձնում են իրենց կապիտալը նույն համակարգի մեջ։
Բաժանորդագրվեք մեր ալիքին Telegram-ում
