Ֆրանսիական բանկը կվճարի ցեղասպանության համար․ Reuters

ԱՄՆ դատարանը պարզել է, որ ֆրանսիական BNP Paribas բանկը բանկային ծառայություններ է մատուցել Սուդանի կառավարությանը՝ անտեսելով ԱՄՆ պատժամիջոցները, այդպիսով նպաստելով աֆրիկյան երկրում ցեղասպանության իրականացմանը, հաղորդում է Reuters-ը։

Դատարանը պարտավորեցրել է BNP Paribas-ին վճարել 20.5 միլիոն դոլար երեք սուդանցի քաղաքացիների, որոնք մեղադրվում են նախկին նախագահ Օմար ալ-Բաշիրի կառավարման տարիներին մարդու իրավունքների խախտումների մեջ։

Որոշումը նաև հնարավորություն է տալիս փոխհատուցում ստանալ ԱՄՆ-ում բնակվող ավելի քան 20,000 սուդանցի փախստականների համար։

«Մեր հաճախորդները կորցրել են ամեն ինչ BNP Paribas-ի կործանարար, ԱՄՆ դոլարով ֆինանսավորվող արշավի հետևանքով, որը պետք է դադարեցվեր», — ասել է հայցվորների փաստաբան Բոբի ԴիՉելլոն։

Միջազգային քրեական դատարանը (ՄՔԴ) Սուդանի նախկին նախագահ Օմար ալ-Բաշիրի նկատմամբ երկու ձերբակալման օրդեր է տվել՝ 2009 և 2010 թվականներին: Մեղադրական եզրակացության մեջ նշվում է, որ 2003 թվականին՝ երկրի Երկրորդ քաղաքացիական պատերազմի ժամանակ, նա հրամայել է հարձակումներ Ֆուր, Զագավա և Մասալիտ ցեղերի անդամներով բնակեցված գյուղերի վրա: ՄՔԴ դատախազի խոսքով՝ այդ հարձակումների հետևանքով զոհվել է առնվազն 35,000 մարդ: Դատարանի դատախազը այս մասին հայտարարել է 2009 թվականի մարտին։

Ալ-Բաշիրը պետության ղեկավար է եղել 1989-ից 2019 թվականներին և հեռացվել է իշխանությունից զանգվածային բողոքի ցույցերի ժամանակ: Սուդանի դատարանը հետագայում նրան դատապարտել է երկու տարվա ազատազրկման՝ կոռուպցիայի մեղադրանքով:

2021 թվականին երկրի իշխանությունները որոշել են նախկին նախագահին հանձնել ՄՔԴ-ին: