Մեծ Բրիտանիայի կառավարությունը հրապարակել է մաքուր էներգիայի անցնելու ազգային ծրագիր։
Կառավարության կայքում հրապարակված ծրագիրը նպատակ ունի մինչև 2030 թվականը ստեղծել 400,000 աշխատատեղ։ Առաջնահերթ մասնագիտությունների ցանկում են էլեկտրիկները, մեխանիկները, ջրմուղագործները և եռակցողները, որոնց համար կառավարությունը խոստանում է բարձր աշխատավարձ և արժանապատիվ աշխատանքային պայմաններ։
Մաքուր էներգիան ներառում է ատոմային, քամու, արևային և հիդրոէլեկտրակայանները։ Դրանց կառուցումն ու պահպանումը կպահանջեն որակավորված աշխատուժի զգալի աճ։ Հաշվետվության համաձայն՝ մինչև 2030 թվականը ջրմուղագործների և եռակցողների թիվը 2023 թվականի համեմատ պետք է կրկնապատկվի՝ արդյունաբերության պահանջարկը բավարարելու համար, մինչդեռ եռակցողների թիվը պետք է եռապատկվի։
Էներգետիկայի նախարար Էդ Միլիբանդն ասել է.
«Շնորհիվ կառավարության մաքուր էներգիայի նկատմամբ հանձնառության՝ մեր արդյունաբերական սրտում երիտասարդների մի ամբողջ սերունդ կկարողանա ստանալ լավ վարձատրվող, կայուն աշխատանք՝ ջրմուղագործներից մինչև էլեկտրիկ և եռակցողներ»։
